KöbiSchnyder_sw.JPG

SMS von der Alp

Diese Woche berichtet Jakob Schnyder von speziellen Momenten im Alpsommer und den Jägern, die im Herbst früh am Morgen losziehen.

Liäbi Läserinnäund Läser

 

Hüt bini am Gumästogg äm Zuu ableggä gsi. Es isch ä stotzigä Cheib det obäund nach viär Stund i denä Böörter innä händ d Füäss we Füürbrunnä i dä Schuä innä. Woni dä im Oberä ad Hüttä chu bi,häts gad agfangä rägnä. Ich bi dä zfridä undr Dach und ha äs Biär uftuä. Wo duä im Radio gad nuch guäti Musig gloffä isch,isch de Situation perfekt gsi. Es git vil so Momänt im nä Alpsummer. Mä mos sich eifach a denä bewusst wärdä.

Z Wätter hät na ä churzä Momänt gschonet und das hät mer dä gad glanget zum trochä zrugg i Mittlerä z marschiärä. Nachem Znacht bini dä iz Bett und hami inä Bärg Deggänä igwigglet. Uf z Schiferdach hätdr Rägä ghämmeret und vu dr Siitä hani ä chaltä Wind im Gsicht ka. Typisch Herbst im Mittlerä, hani dänggt. Trotz Chälti ä schüüni Ziit! Bis ihr de Ziitig läsä chänd, simmer vermuätli schu im Underä. De letschtä Wuchä z‘Alp günd immer im Flug ummä. D Täg wärdet merggli chürzer und d Nächt chälter. I denä Tääg hani Gsellschaft vu dä Jäger. Lang vorem Tagesabruch und lang vor miner Ziit, köri albig d Schritt vum Schuälkamerad und Jahrgänger hinderem Gadä durä gu ufem Wäg iz Oberbützi. Dr Cousin, wo da bi mir huuset, staht dä amigs au uf und gaht änä Oberä. Ich dänggä dä albig im Halbschlaaf, dass ich mir Feriänüd gad äso vorstellä. Abr wäni dä amigs de glügglichä Gsichter nach mä Weidmannserfolg gse, dänggi dä ebä glich, es siggnau das, was si wänd. Und es isches au. Jäger isch we Älpler. Es mos eim im Bluät liggä.

 

Diä Wuchä hani ez nüd vill über mis Veh, d Geissä, überä Muuli und Esel, de zwei Hüänder und über dZiberä (üseri Chatz) gschribä. Ich dörf da abr erwähnä, dases allnä guät gaht und mir em Herrgott sei Dank hüür nuch käs Ugfell ka händ. Nächscht Wuchä mäld mi dä usem Underä und hoffä, ich dörf wider Erfreulichs zu üch id Zivilisation abämäldä.

 

Liäbi Grüäss,

 

Jakob Schnyder

 

zurück - Druckversion